Ai nuk përmend emra, por aludimi duket i qartë dhe sigurisht që i drejtohet Napolit, kundërshtarit të nesërm. Por kur në prag të ndeshjes me Azzurrit, Gasperinit iu drejtua pyetja se çfarë i duhet Atalantës së tij për të konkurruar me emrat e mëdhenj të futbollit italian për një vend në Champions League, përgjigja e tij ishte e prerë: “Atalanta nuk mundet të krahasohet për të ardhura me klubet e tjera, sepse ky klub duhet t’i formojë vetë lojtarët brenda pastaj mund të mendojë për të investuar.
Ne me qindra miliona fitime jemi të detyruar të konkurrojmë me njerëzit që kanë mbi një miliard euro borxhe. Me këtë diferencë që kemi në të ardhura unë jam shumë të kënaqur që jemi kaq lart, prandaj them se po bëjmë një kampionat të jashtëzakonshëm”.
Duke u përqendruar tashmë në ndeshjen kundër liderëve, trajneri i Atalantas përshkroi se si duhet të jetë qëndrimi i skuadrës së tij ndaj një ekipi që po dominon kampionatin:
“Ne gjithmonë duam të jemi në gjendje të sulmojmë dhe të shënojmë, por ne nuk po luajmë vetëm, janë dy ekipe në fushë. Për ne është nder që matemi me një ekip të jashtëzakonshëm edhe në garën e tyre në Champions League, kanë shanse të mëdha të shkojnë larg.
Kampionati ynë deri tani ka qenë i një niveli të lartë. Megjithatë nuk them që nesër nuk kemi asgjë për të humbur, sepse piket duhen marre kudo. Ne ndeshjen e pare ishte një ndeshje e shkëlqyer për shanse dhe performance pavarësisht humbjes 2-1.
Do te isha i lumtur nëse do ta përsëritnim. Por Atalanta ka dale gjithmonë me nivel te larte paraqitje nga ndeshje si këto. Keqardhja është për pikët e humbura me Lecce dhe Sassuolo. Me skuadrat e mëdha, të themi, fituam dy herë në Romë”.
Sa i përket zgjedhjeve të formacionit, Gasperini numëron lojtarët e padisponueshëm: “De Roon ka gishtin e këmbës shumë të fryrë, por përveç Koopmeiners dhe Vorlicky që ka dhimbje gjuri, ata janë të gjithë në dispozicion. Muriel dhe Zapata do të kenë shumë mundësi për të na dhënë një nxitje shtesë, por duhet të shohim nëse janë të mira herë pas here”.
Discussion about this post