Atalanta rrëmben 3 pikë në sekondat e fundit ndaj Milanit/ Reagon Pioli

Atalanta ka marrë pikë të plota duke e mposhtur 3:2 Milanin.

Futbollisti Lookman ka realizuar dy gola për Atalantën në minutën e 38-të e 55-të e Muriel në atë të 90+5 për fitore.

Giroud në minutën e 45+3 e Joviq në të 80-tën, shënuan për Milanin por nuk iu mjaftoi për njëpikë.

Berat Gjmishiti u paraqit standard për Atalantën në një ndeshje të luftuar deri në fund e me pesë gola dhe me fitore dramatike të skuadrës nga Bergamo.

Pas javës së 15-të në Serie A, Milani renditet në vend të tretë me 29 pikë dhe Atalanta në të 7-tin me 23 pikë.

Pas humbjes ndaj Atalantës, trajneri i Milanit, Stefano Pioli, nuk e ka fshehur zhgënjimin për paraqitjen e kuqezinjve.

Keqardhje që të paktën nuk morët një pikë?

Kur ishim 11 me 11 në fushë, dukej se inercia ishte më shumë në anën tonë. Duhet të ishim më të qartë në zgjedhjet tona në mbrojtje dhe këto janë gabime që na kushtojnë shumë.

Një koment për dy golat e parë të shënuar?

Nuk punuam mirë si ekip në fazën e mbrojtjes. E filluam ndeshjen me intensitet dhe cilësi, duhej të merrnim rezultat pozitiv, por po largohemi me një disfatë të rëndë.

A mund të jenë alibi mungesat në mbrojtje?

Ka mungesa, por ne e luajtëm ndeshjen më mirë se kundërshtarët në pjesën e parë. Na rëndojnë disa naivitete, do të duhet të përmirësohemi në ndeshjet e ardhshme.

Kthimi i Bennacerit ishte pozitiv…

Nëse ndeshja do të kishte përfunduar 2-2, shumë gjëra do të ishin pozitive. Ne donim të siguronim vazhdimësi, ishim të përfshirë në ndeshje, por, fatkeqësisht, kundërshtarët tanë brenda zonës ishin më të mirë se ne.

Ata mund të luajnë së bashku, por më pas na u desh të ndryshonim mesfushën dhe anësorët. Kemi një ndeshje shumë të rëndësishme në Evropë, duam të qëndrojmë atje dhe kemi vetëm një rezultat në dispozicion.

Ai duhet të jetë mirë, do t’i bashkohet ekipit nesër. Ditët e ardhshme do të jenë të rëndësishme.

Si ndiheni për vlerësimet e luhatshme të punës suaj?

Jam trajner i Milanit, pritshmëritë janë të mëdha dhe rezultatet nuk korrespondojnë me to. Më duhet vetëm të mendoj për punën dhe përmirësimin e lojtarëve.