“Ulu Policia”… Kjo ka qenë fraza që 3 grabitësit e armatosur kanë përdorur ndaj personave që ndodheshin në banesën që grabitën në fshatin Prush në Tiranë.
Nga raportimet mësohet se në banesë ndodheshin dy të moshuar, të cilëve grabitësit e armatosur me automatikë i janë prezantuar si policë dhe kanë nisur kontrollin.
Nuk dihet se çfarë kanë arritur të marrin grabitësit nga banesa, ndërsa Policia është njoftuar nga fqinjët pas zhurmave që kanë dëgjuar.
Banesa monitorohej me kamera me rezolucion të lartë, ndërkohë që ekspertë të kriminalistikës shpresojnë që të gjejnë gjurmë gishtash të grabitësve në banesë, për shkak se kanë prekur shumë sende.
Gjithashtu kamerat që ndodhen në banesë mund të ndihmojnë Policinë për të identifikuar grabitësit, të cilët në momentin që kanë dalë kanë qëlluar edhe ndaj një automjeti policie që po shkonte drejt vendit të ngjarjes.
Grabitësit janë drejtuar nga zona e Liqenit të Thatë, ndërsa hyrje-daljet e Tiranës janë blinduar nga postoblloqe policie.
Discussion about this post