Ish-kryeministri i Japonisë Shinzo Abe është qëlluar me armë zjarri teksa mbante një fjalim në qytetin Nara, sipas zyrtarëve. Sipas mediave të huaja ai ndodhet në gjendje kritike për jetën pas disa ndërhyrjeve kirurgjikale. Abe ishte qëlluar nga pas me një armë gjahu. Transmetuesi publikoi pamjet që tregonin Abe të rrëzuar në rrugë, dhe disa roje sigurie vraponin drejt tij. Abe po mbante gjoksin kur u rrëzua, me këmishën e lyer me gjak.
Agjencia tha se ish-kryeministri, i cili ishte në Nara për fushatën përpara zgjedhjeve të së dielës për dhomën e lartë të parlamentit, u sulmua në një rrugë pranë stacionit Yamatosaidaiji në Nara. Një i dyshuar 41-vjeçar është ndaluar nën dyshimin për tentativë vrasje, tha NHK. I dyshuari, i cili u identifikua si Yamagami Tetsuya, mbante një armë, të cilën policia e konfiskoi, shtoi ajo, shkruan Al Jazeera. Abe shërbeu si kryeministër i Japonisë nga dhjetori 2012 deri në shtator 2020, duke e bërë atë kryeministrin më jetëgjatë të vendit
Discussion about this post