Hetimet për plagosjen e ish-kreut të Partisë Socialiste në Vaun e Dejës, Nikolin Huba, vijojnë ende.Targat e motorit që është përdorur në atentat janë zbardhur nga kamerat e sigurisë larg vendit ku dhe ndodhi atentati.Autorët janë pikasur duke ndjekur Hubën që lëvizte me një automjet Mercedes-Benz.
54-vjeçari menjëherë sapo ka dalë nga salla e operacionit është marrë në pyetje, por ka deklaruar se nuk ka asnjë konflikt dhe se nuk e di kush janë autorët apo përse e kanë plagosur.
“Sapo kam dalë nga kafja dy persona me motor me skafandë në kokë janë afruar dhe më kanë qëlluar. Nuk më kanë thënë asnjë fjalë. Une nuk e di se kush janë, sepse nuk kam asnjë konflikt me askënd. Vetëm qëlluan dhe ikën, nuk kam asnjë ide përse më qëlluan”, ka thënë Huba.
Atentatorët e Nikolin Hubës kanë pritur deri sa 54-vjeçari të dilte nga një prej kafenetë e zonës. Pasi i afrohen dhe i dalin paralel në një distancë të afërt, autori i ulur në sediljen e pasme të motorit e qëllon me 2 plumba në këmbë. Motori kishte targa angleze.
Nga ekzaminimi i pamjeve filmike hetuesit e Policisë së Shkodrës kanë dalë në përfundimin se autorët të dyshuar me pagesë nuk kanë pasur qëllim ta ekzekutojnë Hubën por vetëm ta plagosin. Gjithsesi ngjarja nuk ka ende një autor.
Discussion about this post