Në konferëncën e sotme për shtyp mbrojtësi Frederic Veseli zbuloi se Armando Broja nuk do të jetë në dispozicion të kombëtares për dy ndeshjet kualifikuese ndaj Anglisë dhe Andorës, deklaratë e cila mbetet ende e pakonfirmuar zyrtarisht nga zyra e shtypit në FSHF e cila ka heshtur për rastin në fjalë.
Sulmuesi shtatlartë mësohet se ka një problem në kavilje që pësoi gjatë sfidës më Burnley ndaj edhe nuk ka udhëtuar drejt Shqipërisë për tu bashkuar me ekipin.
Edhe pse u rikthye të ishte i gatshëm në fundjavë me Southampton, ai u aktivizua vetëm në 10 minutat e fundit. Aktualisht Broja i është nënshtruar disa ekzaminimeve të hollësishme për të mësuar shkallën e dëmtimit të tij teksa nuk përjashtohet mundësia e ribashkimin me grupin tjetër gjatë përgatitjeve.
Discussion about this post