Kryeministri Rama i ftuar në emisionin “Opinion” u shpreh se Shqipëria po punon për të ulur numrin e vrasjeve dhe aksidenteve.
Nga ana tjetër teksa ai pyetet lidhur me vrasjen e 19- vjeçarit Erjon Xhenje në Shkodër për përplasje banale mes bandave, ai shprehet se “bandat bëjnë mirë që hanë kokat me njeri-tjetrin”, pasi sipas tj është vetëm policia që duhet të ndërhyjë.
“Në Shqipëri nuk po ndodh asgjë e veçantë. Po vijon përpjekja për uljen e numrit të vrasjeve, të aksidenteve. Mund të themi se 2022 është vit me numër më të ulët të vrasjes. Kallashnikovë që sharrojnë dy veta, ka pasur me shumicë në të shkuarën. Shqipëria ka pasur 120 vrasje në vit. Jeni shumë gabim, sot jemi në një proces përpjekje që vazhdon. Nuk jemi në kushtet që e kemi shtrënguar plotësisht këtë situatë. Bandat nuk dominojnë asgjë tjetër në Shqipëri përveçse territorin e kriminalizuar mes tyre. Nuk ka kërcënim bandash për shqiptarët. Bandat bëjnë mirë që po hanë kokat e njëri tjetrit. Policia ka detyrë të ndërhyjë fuqishëm deri në neutralizimin e tyre”, tha Rama.
Discussion about this post