Dje në mbrëmje një ngjarje e pazakontë është shënuar në Kosovë. Në Klinikën Gjinekologjike Obstretike në QKUK, nje nënë ka lindur një foshnje të pajetë. Ndërkohë bashkëshorti i saj që kishte lindur fëmijën është njoftuar menjëherë pas operimit se foshnja për shkak të problemeve shëndetësore nuk ka mundur të mbijetojë.
Ky i fundit ka akuzuar spitalin se i është ndërruar foshnja me dikë tjetër.
Drejtori i Klinikës Gjinekologjike, Zef Ndrejaj, ka mohuar akuzat dhe i ka qendruar deklaratës së mëparshme se foshnja nuk ka mbijetuar për shkaqe shëndetësore.
“Ajo ka qenë më probleme edhe më herët ka pasur gjakderdhje të brendshme. Foshnja nuk është ndërruar sepse edhe gjatë operacionit është informuar gruaja që ka probleme, iu është shpjeguar familjarëve me kohë që ka problem. Nuk ka ndërrim të foshnjës, por e ka keqkuptuar situatën sepse prindi ka qenë i tensionuar pak”, u shpreh Ndrejaj.
Ndërkohë akuzuesi ka denoncuar rastin në autoritetet policore ku ka kërkuar që fëmija i cili nuk mundi të mbijetojë t;i nënshtrohet autopsisë dhe të dërgohet në Institutin e Mjekësisë Ligjore për testim të mëtejshme.
Njësitë policore kanë njoftuar edhe Prokurorin e Shtetit lidhur me rastin, i cili ka urdhëruar që trupi i pajetë i fëmijës të dërgohet për obduksion në IML.
Discussion about this post