Gjykata e Vlorës ka shtyrë seancën për grupin e përfshirë në ngjarjen e 10 Majit të vitit 2019 në zonën e “Ujit të Ftohtë” në Vlorë ku mbeti i plagosur Ines Hajrulla.
News 24 bën me dije se në seancën e zhvilluar ditën e sotme, mbrojtja e të akuzuarve do të paraqiste relacionin përfundimtar ndërkohë që për shkak të mungesës së avokatëve seanca është shtyrë.
Mësohet se seanca e radhës do të zhvillohet në datë 21 Nëntor në orën 10:00. Të akuzuarit kanë ndryshuar masën e sigurisë duke iu drejtuar Gjykatës së Lartë, pasi dy shkallën e gjyqësorit e kanë rrëzuaar kërkesën e tyre.
Por seanca për shqyrtimin e kërkesës së tyre është shtyrë për disa herë me radhë duke lënë në vend numëro procesin prej disa muajsh.
Prokurorja Elona Alvorsa ka kërkuar 35 vite burg për Daut Elmazin, Igli Memën dhe Gentian Dautin. Ndërsa nga 30 vite ka kërkuar për Serxho Ademin dhe Albano Goxhajn. I përfshirë në këtë ngjarje është edhe Fatmir Hyseni, i cili vijon të jetë në kërkim. Për këtë të fundit Prokuroria ka kërkuar burgim të përjetshëm.
Hajrulla u qëllua me armë zjarri nga një automjet në lëvizje, teksa ishte ulur në një lokal.
Discussion about this post