Janë zbardhur detaje të reja nga atentati q iu bë prokurorit Arjan Ndoja disa javë më parë, ku mbeti i vdekur shoferi i tij. Një nga dëshmitarët e marrë në pyetje nga Gjykata e Posaçme kundër Krimit të Organizuar dhe Korrupsionit ka treguar më shumë rreth ngjarjes. Konkretisht Edison Meta ka deklaruar që Redjan Rrajën e ka kushëri ndërsa Ariol Halilajn nuk e njeh.
Ai ka folur mbi një makine, qe kishte ne pronësi ne vitin kur ka ndodhur ngjarja. Por gjykata nuk e sqaron se për cilën makine behet fjale. Dëshmitari gjithashtu ka deklaruar se e ka marrë vesh atentatin përmes televizionit e jo nga tjetër burim.
Theksojmë se procesi ndaj Rrajës dhe Halilajt bëhet me dyer të mbyllura në gjykatë. Redjan Rraja dhe Ariol Halilaj janë duke u gjykuar lidhur me atentatin e 1 nëntorit 2019 në autostradën Durrës-Tiranë, ku u plagos prokurori i shkarkuar tashmë nga vetingu Arjan Ndoj, Aleksandër Laho ndërsa gjeti vdekjen shoferi Andi Maloku.
Discussion about this post