Mediat italiane kanë zbardhur detaje në lidhje me vrasjen e 36-vjeçarit shqiptar, Elson Kalaveri, ngjarje e ndodhur një natë më parë në Pisa të Italisë. La Nazione shkruan se hetimet e deritanishme kanë treguar se në drejtim të Kalaverit kanë vërshuar të paktën 15 plumba.
Sipas asaj që rezulton nga hetimet e kryera nga karabinierët e njësisë hetimore dhe të koordinuara direkt në vend nga zv/prokurori i Pizës, Giancarlo Dominijanni, rezulton se ‘killerat’ kanë qenë tre. Ata ishin maskuar me kapuçë me ngjyrë të zezë dhe pas krimit janë larguar me një makinë me targa gjermane.
Personi që ka qenë në drejtimin e mjetit ku ndodhej 36-vjeçari shqiptar nuk është identifikuar ende. Por, ai ka shpëtuar dhe nuk e ka kapur asnjë plumb. Ngjarja e rëndë ndodhi një natë më parë në fshatin Castelnuovo Val di Cecina, Pisa, Itali. Pasi është qëlluar Kalaveri, personi që ndodhej në timon ka kërkuar ndihmë në lokal, por pavarësisht se ajo iu afrua, shqiptari nuk arriti të mbijetonte. •Elson Kalaveri është arrestuar në Shqipëri për plagosje në Mamurras. Në vitin 2014 ai ka plagosur me plumb në kokë Genti Keçin. Ai u arrestua dhe vetëm pak javë më parë doli nga qelia për tu nisur drejt Italisë. Autor i vrasjes së Kalaverit mendohet se është një shqiptar.
Discussion about this post