Edhe pse kamerat e sigurisë kanë filmuar lëvizjet e atentatorëve dhe policia ngriti postblloqe, nuk ka ende asnjë gjurmë nga autorët për vrasjen e Erigers Mihasi dhe Armando Dumanit mbrëmjen e djeshme në Astir.
Hetimet në terrenin ku u shënua krimi, kanë zbuluar se drejt makinës me të cilën dy viktimat po udhëtonin janë shkrehur 20 plumba. Sakaq do të jetë ekspertiza mjekoligjore ajo që do të përcaktojë sesa plumba u dhanë fund jetës së dy të rinjve.
Skema e vrasjes dhe saktësia për të qëlluar drejt shënjestrës i çon hetimet drejt pistës së vrasjes me dashje nga vrasës me pagesë.
Dy kamera sigurie në zonë ka mundur të filmojë momentin ku mjeti tip ‘Toyota’ me targa AA 532 ON e përdorur nga autorët ka ndjekur dhe më pas qëlluar mjetin “Audi A 7” ku udhëtonin Erigers Mihasi, 32 vjeç dhe miku i tij Armando Dumani, 26 vjeç.
32-vjeçari Erigers Mihasi sapo ishte kthyer nga Gjermania.
Atentati mafioz në Astrit i ndodhur mbrëmjen e djeshme, dyshohet se është bërë si pasojë e përplasjes së bandave në kryeqyteti.
Discussion about this post