Ndeshja kundër Anglisë në ‘Wembley’ ishte shumë tronditëse për Kombëtaren tonë, e cila u mund me rezultatin 5-0, me golat që u shënuan të gjithë në pjesën e parë.
Duke reaguar pas kësaj disfate mesfushori Klaus Gjasula është shprehur përmes një postimi në ‘Instagram’ se kjo është një ndeshje që duhet harruar.
“Ishte një ndeshje që në fillim donim ta shijonim, por tani duam vetëm që ta harrojmë. Futbolli i ka këto, duhet ta mbajmë kokën lart”,-shkruan ai.
Rikujtojmë se Gjasula nuk do të jetë pjesë e takimit të fundit të kualifikueseve, atë kundër Andorës që do të zhvillohet këtë të hënë në orën 20:45 në ‘Air Albania’ për shkak se ka plotësuar numrin e kartonëve të verdhë.
Ai do të jetë një nga mungesat e shumta që do të kenë ‘Kuqezinjtë’ në këtë sfidë me Armando Brojën që nuk udhëtoi me pjesën tjetër të skuadrës në Shqipëri, e të tjerë që u dëmtuan siç ishte rasti i Marash Kumbullës./K.T/Gijotina.com
Discussion about this post