Arben Mërkuri 48-vjeçari që u ekzekutua mbrëmjen e sotme ne Durrës, sipas burimeve nga Gijotina.com njihet si një nga “ushtarët” e ish-lryetarit të Bashkisë Durrës, Vangjush Dako.
Nga ana tjetër, edhe shoku i tij Landi Muharremi ose i ashtuquajturi “Rrumi i Shijakut” ka mbajtur në vite katër identitete të ndryshme, një prej tyre me mbiemër Dako, si Pëllumb Muharremi, Pëllumb Ymeri, Aleksandër Dako dhe Aleksandër Laho. Edhe ky njihej në lidhje me ish-kryebashkiakun Dako.
Nga hetimi ka rezultuar se në zgjedhjet e përgjithshme të 25 qershorit 2017, me qëllim ndryshimin e rezultatit të zgjedhjeve, doli marrëdhënia e Vangjush Dakos me “të fortët” e Shijakut.
Shumica e personave që janë dërguar në gjyq rezultojnë ish-komisionerë të tre qendrave të votimit në Shijak.
Bëhet fjalë për “Dosjen 339” ku u hetua rreth një grupi të trafikut të drogës, të cilit në tetor 2018 iu gjet dhe sekuestrua një laborator heroine në Has. Grupi u pikas në përgjime të fliste edhe për blerje dhe frikësim votuesish gjatë zgjedhjeve të vitit 2017, kjo bëri të mundur që autoritetet të nisnin një hetim paralel edhe për ndikim, apo manipulim të zgjedhjeve.
Për këtë çështje në prokurori u pyet edhe ish-kryetari i bashkisë së Durrësit Vangjush Dako dhe zyrtarë të tjerë lokalë.
Theksojmë se 48-vjeçari dyshohet se është vrarë për prishje të pazareve të drogës pasi rezulton si person me precedentë të mëparshëm kriminalë në fushën e narkotikëve. Ai gjithashtu rezulton të jetë një prej personave që dhunuan biznesmenin libanez në 2016. Pjesëmarrës në këtë ngjarje ishin njerëz “të rrezikshëm” dhe subjekt i OFL-së.
Grupi hetimor, nën drejtimin e Prokurorisë, ndodhet në vendngjarje dhe po punon për fiksimin e çdo prove të vlefshme që do t’i shërbejë hetimit, me qëllim identifikimin dhe kapjen e autorëve.
Discussion about this post