Policia ka arrestuar Nuredin Dumani, një nga të shumëkërkuarit e policisë dhe autori i dyshuar i atentatit në Elbasan, ku mendohet se i plagosur ka mbetur Talo Çela.
Ai ka marrë një plumb në shtyllën kurrizore pas përplasjes me armë që ndodhi më herët gjatë ditës së sotme në Papër të Elbasanit.
Mësohet se në momentin Dumani është arrestuar i shtrirë në një krevat në një hyrje rreth një kilometër larg spitalit dhe nuk ka bërë rezistencë. Ndërsa, në lagjen “Apollonia”, 1 km larg spitalit, poshtë një pallati nëntëkatësh ndodhet autoambulanca, policia dhe RENEA.
Makina e furgona të shumtë policie ndodhen në qytetin e Fierit. Më herët, kemi bërë me dije se Policia e Elbasanit ka dyshime të forta se në BMW X5 që ra pre e atentatit në kryqëzimin e Peqinit, ndodhej i shumëkërkuari Talo Çela. RENEA ka marrë në këmbë kodrat e zonës, pasi shoferi dhe personat e tjerë e braktisën mjetin dhe u larguan po në këmbë.
Pavarësisht se në pranga ka rënë një, Forcat Speciale vazhdojnë operacionin në Fier, shkruan newsbomb.al. Efektivët e Repartit RENEA janë parë të zbresin nga mjetet e tyre të armatosur gjer në dhëmbë dhe me snajper.
Drejtues të lartë të Policisë së Elbasanit kanë marrë vetë pjesë në operacionin e zhvilluar në Fier. Nuredin Dumani dyshohet se është personi që ka qëlluar me breshëri plumbash drejt makinës ku ndodhej Talo Çela. Burimet konfirmojnë se dhe nga mjeti ku ndodhej i shumëkërkuari tjetër Talo Çela, është hapur zjarr dhe për pasojë është plagosur Nuredin Dumani.
Discussion about this post