Nga vëzhgimi i kamerave rezulton se pronari i lokalit, Bledar Muça i cili ngeli edhe viktimë e atentatit ishte ulur në tavolinë vetëm me kunatin e tij, Judin Velon.
Ky i fundit është dërguar në spitalin e Traumës.
Ndërkohë 4 të plagosurit e tjerë, mes tyre dhe 3 gra ishin kliente të rastësishëm në lokal dhe ishin ulur në një tjetër tavolinë teksa nuk kishin asnjë lidhje me Bledar Muçën.
Sakaq theksojmë sërish se viktima ishte i martuar me mbesën e shtetasit Roland Shyti, ndërsa kunati Judin Velo ishte nipi i Roland Shytit dhe kunati i Muçës. Roland Shyti njihet ndryshe edhe si “mustaqe kuqi” dhe anëtar i bandës “Hakmarrja për drejtësi”.
