Dalin të tjera detaje nga atentati në Milot, ku mbeti i vrarë 28-vjeçari Klisman Preçi dhe u plagos rëndë Ylli Brahimi. Ndërkaq hetuesit kanë arritur të zbulojnë se në atentat kanë marrë pjesë 4 vrasës me pagesë.
Dy kanë pasur rolin e qitësit, ndërsa një vrasës i tretë ka pritur me makinë ndezur që të realizonte largimin e menjëhershëm e dy autorëve që qëlluan me armë zjarri drejt Klisman Preçit dhe Ylli Brahimit. Më pas një autor i katërt i ka pritur tre personat, për t’u larguar me një makinë tjetër pasi dogjën makinën që përdorn në attentat në fshatin Gramëz në Krujë.
Si ndodhi atentati në Milot?
Klisman Preçi dhe Ylli Brahimi po lëviznin me një mjet të blinduar ndërsa u sulmuan sapo zbritën nga makina dhe para hyrjes së pallatit ku jetonin. Grupi hetimor ka arritur në përfundimin se 103 plumbat që përdorën autorët nuk kanë qenë blindëshpues dhe nuk depërtuam brenda makinës. 27-vjeçari Preçi, i cili u qëllua i pari, ka zbritur nga makina dhe është prekur nga breshëria e plumbave, që i shkaktoi edhe vdekjen.
Në ato momente edhe Ylli Brahimi ka hapur derën dhe ka tentuar të dalë nga mjeti në të cilin ishte si pasagjer, por përballë të shtënave pa ndërprerje që kanë zgjatur afro 3 minuta, ai ka hyrë sërish në makinë për t’u mbrojtur nga plumbat.
Discussion about this post