Është gjetur i djegur makina e viktimës 35-vjeçarit Albi Bashaliu në Peqin.
Mësohet se mjeti i autorëve është gjetur në Gocaj të Kavajës dhe është në pronësi të viktimës. Po ashtu burime bëjnë me dije se një ditë më parë, pas vrasjes së të riut autorëve nuk iu është ndezur makina e tyre, ndaj dhe e kanë djegur në vendngjarje, duke u larguar me mjetin e viktimës.
Kjo e fundit është gjetur sot në Kavajë dhe është sekuestruar nga policia, ndërsa po këqyret nga ekspertët për grumbullimin e provave.
Viktima, Albi Bashaliu është një emër i njohur për policinë, pasi në vitin 2017, ky person u arrestua pasi akuzohej për atentat ndaj dy personave. Ndërkohë 35-vjeçari është vëllai i Leonard Bashaliut, ky i fundit në qershor të këtij viti vrau një 45 vjeçar, krim për të cilin po kryen dënimin në burg.
Një ndër pistat ku po hetohet është edhe ajo e hakmarrjes që lidhet me të shkuarën e viktimës dhe vëllait të tij.
Discussion about this post