Një ngjarje e rëndë tronditi Pogradecin ditën e djeshme, ku Johan Muçllari ka rënë pre e një atentati.
Ndërkaq policia ka vendosur në pranga 5 shtetas, pasi përkrahën autorët e krimit, kryen veprime për të penguar zbulimin e së vërtetës dhe nuk kallëzuan krimin në organet e Policisë.
Specialistët për Hetimin e Krimeve në Komisariatin e Policisë Pogradec bën arrestimin në flagrancë të shtetasve: B., 32 vjeç, banues në fshatin Vërdovë, Pogradec; K. K., 26 vjeç; H. Gj., 22 vjeç; L. Sh., 27 vjeç; R. Sh., 28 vjeç, banues në Pogradec.
Nga provat e grumbulluara rezulton se këta shtetas, në bashkëpunim me njëri-tjetrin, kanë ndihmuar autorët e dyshuar të ngjarjes, që të largohen nga vendngjarja. Në cilësinë e provës materiale u gjet dhe sekuestrua automjeti tip “Volksëagen Golf”, në përdorim të shtetasit F. B., i cili është përdorur në ngjarje, si edhe automjetet tip “Benz” dhe “BMË X5”, me të cilët janë ndihmuar shtetasit F. B. dhe G. M., për t’u larguar nga vendi i ngjarjes.
Ndërkohë, vijon puna për kapjen e 2 autorëve të dyshuar të ngjarjes. Materialet i kaluan Prokurorisë pranë Gjykatës së Shkallës së Parë Pogradec, për veprime të mëtejshme.
Kujtojmë që Muçollari është djali i Jetmir Muçollarit, pronarit të hotel Volorekës në Pogradec. Ngjara dyshohet se lidhet me një konflikt të hershëm, ku në 8 gusht 2020 u qëllua drejt hotelit dhe shtëpisë së tyre. Pra pas dy viteve autorët janë rikthyer që të çojnë deri në fund planin e 2020-së, vrasjen e Jetmir Muçollarit dhe djemve të tij. Në gusht të 2020 është bërë një atentat drejt Johan Muçollarit në hotel Voloreka, ku dy persona kanë qëlluar me kallashnikov në drejtim të hotelit “Voloreka” në Tushemisht. Hoteli “Voloreka” është në pronësi të Emanuela Muçllarit, bashkëshortes së Jetmir Muçllarit.
Në 8 gusht 100 plumba janë zbrazur në drejtim të makinave të parkuara, duke dëmtuar 6 makina luksoze. Ndërkohë me 24 plumba kanë qëlluar vetëm makinën e pronarit, Jetmir Muçllari. Sipas informacioneve, atentatorët qëlluan edhe në drejtim të dhomës së djalit të pronarit, Johan Muçllari. Sulmi ka ndodhur për më shumë se 1 minutë, ku autori, i maskuar, pasi ka qëlluar në drejtim të hotelit, me qetësi i është drejtuar makinave të parkuara. I pashqetësuar, autori ka ecur i qetë përmes parkimit dhe më pas ka hapur zjarr me kallashnikov duke i dëmtuar makinat me radhë. Më pas është larguar duke dalë me vrap nga hoteli në pronësi të Jetmir Muçllarit.
Discussion about this post