Detaje të tjera janë zbuluar nga ngjarja e sotme në Pogradec, ku Johan Muçllari ka rënë pre e një atentati ditën e sotme. Muçollari është djali i Jetmir Muçollarit, pronarit të hotel Volorekës në Pogradec. Ngjara dyshohet se lidhet me një konflikt të hershëm, ku në 8 gusht 2020 u qëllua drejt hotelit dhe shtëpisë së tyre. Pra pas dy viteve autorët janë rikthyer që të çojnë deri në fund planin e 2020-së, vrasjen e Jetmir Muçollarit dhe djemve të tij. Kujtojmë se, në gusht të 2020 është bërë një atentat drejt Johan Muçollarit në hotel Voloreka, ku dy persona kanë qëlluar me kallashnikov në drejtim të hotelit “Voloreka” në Tushemisht. Hoteli “Voloreka” është në pronësi të Emanuela Muçllarit, bashkëshortes së Jetmir Muçllarit.
Në 8 gusht 100 plumba janë zbrazur në drejtim të makinave të parkuara, duke dëmtuar 6 makina luksoze. Ndërkohë me 24 plumba kanë qëlluar vetëm makinën e pronarit, Jetmir Muçllari. Sipas informacioneve, atentatorët qëlluan edhe në drejtim të dhomës së djalit të pronarit, Johan Muçllari. Sulmi ka ndodhur për më shumë se 1 minutë, ku autori, i maskuar, pasi ka qëlluar në drejtim të hotelit, me qetësi i është drejtuar makinave të parkuara. I pashqetësuar, autori ka ecur i qetë përmes parkimit dhe më pas ka hapur zjarr me kallashnikov duke i dëmtuar makinat me radhë. Më pas është larguar duke dalë me vrap nga hoteli në pronësi të Jetmir Muçllarit.
Ndërkohë ditën e sotme atentati i është bërë djalit të tij Johan Muçollari, i cili ka shkuar vetë në spital i plagosur, ku në dëshminë përpara efektivëve ka thënë se është qëlluar nga dy persona. Polica ka shpallur në kërkim Firdeus Berberi dhe Greisi Maxha, si të dyshuarit kryesor të vrasjes.
Discussion about this post