Atletico e Madridit rikthehet te fitorja në kampionat pas disfatës me Barcelonën. “Skuadra e tretë” e kryeqytetit (Pas Real Madrid e Real Madrid Castilla) triumfoi në fushën Valladolid, përballë ekipit bardhevjollcë me rezultatin 2-5.
Molina hapi serinë e golave në minutën e 20. Mbrojtësi realizoi i vetëm përballë portierit pas pasimit perfekt të Gimenez. Pas katër minutash ky i fundit realizoi të dytin për skuadrën e Simeones pas krosit të Griezmann.
Sërish francezi ishte vendimtar në minutën e 38-të, këtë herë me pasimin perfekt për Moratën i cili realizoi të tretin për Atletico Madrid.
Valladolid u mundua të reagonte dhe shkurtoi diferencën pa u mbyllur pjesa e parë.
Mario Hermoso shkaktoi penallti dhe sulmuesi Larin u tregua i saktë nga pika e bardhë e 11 metrave.
Në fraksionin e dytë të zotët e shtëpisë dominuan takimin dhe rihapën ndeshjen në minutën e 74 me Escudero, i cili realizoi më kokë nga brenda zonës. Barazimi ishte shumë pranë vetëm pas dy minutash me Sergio Leon i cili u ndal nga tranversa.
Valladolid edhe pse u munda të gjente sërish rrugën e rrjetës nuk ia doli mbanë, ndërsa nga ana tjetër skuadra e Diego Simeones vulosi ndeshjen pas autogolit të shkaktuar nga Fernandez.
Në fund festoi edhe Memphis Depay i cili u rikthye nga dëmtimi me gol.
Falë këtij triumfi Atletico Madrid shkon në kuotën e 66 pikëve në vendin e tretë, ndërsa Valladolid zbret në vendin e 15-të me 35 pikë./SSA
Discussion about this post