Këtë të dielë, e gjithë bota ishte dëshmitare e performancës shumë zhgënjyese që Paris Saint Germain ofroi kundër Lorientit.
Edhe sikur largimi me të kuq i Hakimit të mos ndihmonte, PSG dukej sikur kishte zbritur në fushë me zor dhe shfaqi një frymë shumë të ndrojtur në Parc des Princes, duke e mbyllur ndeshjen i fishkëllyer nga publiku i vet (kjo nuk është hera e parë, këtë sezon që ekipi ‘respektohet’ në këtë mënyrë nga parisienët).
Një paraqitje e përgjithshme që e detyroi Christophe Galtier, trajnerin e ekipit, të mos ishte i rezervuar përballë shtypit.
“Asnjë lojtar nuk mund të jetë i kënaqur me lojën e zhvilluar sot. Pas një paraqitjeje të tillë, nuk mendoj se ka lojtar që mund të thotë “Unë bëra ndeshjen time”. Duhet të bësh më shumë kur ke ambicie për të qenë kampion,”- tha ai.
GALTIER I PRET TË GJITHË NË STËRVITJE MËNGJESIN E KËSAJ TË HËNE
Dhe Galtier, pas kësaj katastrofe, vendosi të hidhte një hap të parë të fortë për të ndëshkuar dhomën e tij të zhveshjes.
Zakonisht, trajneri parisien nuk heziton t’u japë lojtarëve të tij ditë pushimi për t’u rikuperuar, përfshirë edhe pas një paraqitje zhgënjyese.
Por këtë here, lojtarët e PSG-së priten në stërvitje mëngjesin e kësaj të hëne…
Nga një ekip ku lojtarët janë, me distancë të dukshme, më mirë të paguarit e kampionatit, pritet të paktën një ndeshje e mirë.
Discussion about this post