Është mbyllur takimi në La Ligën spanjolle mes Granadës dhe Atletiko Madridit që në këtë përballje udhëtonte në transfertë.
Ndeshja që u fitua nga Granada me rezultatin 2-1 fillimisht u mor në kontroll nga skuadra e Siemones e cila arriti të kalonte e para në avantazh me golin e Jao Felix që shënoi që në minutën e dytë.
Machis do të rikthente barazpeshën në fushë në minutën e 17’ duke i dërguar skuadrat në dhomat e zhveshjes me rezultatin 1-1.
Autori i asistit të golit të parë për Granadën do të ishte sërish protagonist në këtë takim, ku në minutën e 61’ Molina shënon dhe realizoi përmbysjen ndaj Atletiko Madridit, duke arritur ti dërgojë shifrat e sfidës në 2-1.
Ky ishte një hap fals për madilenët ku tre pikët e kësaj përballje do të ishin vërtet të vlefshme, por sfida anoi nga ana tjetër, duke e lejuar Granadën të rikuperojë pozicione në renditjen e përgjithshme duke arritur vendin e 12-të ndërsa Atletiko Madrid mbetet në vendin e pestë me 29 pikë.
Discussion about this post