Prezantimi i projekt-buxhetit për vitin 2022 ka sjellë përplasje në Kuvend mes kryeministrit Edi Rama dhe liderit të opozitës Lulzim Basha.
Ndërsa Rama bëri një bilanc se ku konsiston buxheti dhe cilat kategori do të përfitojnë ulje taksash dhe rritje pagash, kryedemokrati e akuzoi se fondi për PPP-të (partneritet publik privat) janë pesë herë më të larta se pensionet.
Kjo qeveri ka kohë që i bënë llogaritë pa bazë, nuk ka nevojë të jesh ekonomistë që të kuptosh se si në kohën më të keqe në mënyrë tinëzare kjo qeveri kërkon të rrënojë buxhetin, nëpërmjet PPP-ve. Indeksimet dhe pagat në rritje janë shpifje dhe propagandë Sot iu shtohet borxhi edhe më i madh dhe ky nuk ka asnjë planë për ju, plani i vetëm është të hap thesin për miqtë e zakonshëm. Rama nuk pyet për familjet që çdo ditë shtojnë listat e borxheve në dyqane, asgjë nuk është menduar për të, sepse në të kundërt nuk japin dot 113 milionë euro për PPP-të. 5 herë më i lartë se fondi i parashikuar për indeksimin e presioneve dhe 3 herë më i lartë se fondi për familjet në nevojë”, u shpreh Basha.
Nga ana tjetër, kreu i qeverisë e ironizoi duke thënë se ka probleme me shifrat dhe se duhet të zgjohet nga gjumi për të ndarë ëndrrën me realitetin.
Discussion about this post