Ndërsa foli për problemet ekonomike dhe problemet me tregun që po përballen bizneset në vend, kreu i PD Lulzim Basha ka deklaruar ditën e sotme se korrupsioni po pengon tregun të ecë. Sipas tij , kjo qeveri po lejon nxit largimin e të rinjve dhe i jep përparësi rrjetit të trafikantëve, pasi ka shkatërruar tregun e lirë.
“Është korrupsioni që sfidon sistemin tonë të vlerave, që shkakton gjakderdhjen e financave publike, që pengon tregun e lirë, që vret konkurrencën, që ndal rritjen e rrogave dhe të pensioneve, që largon të rinjtë e të rejat, që bllokon përparimin në rrugën drejt BE-së, që ndihmon lulëzimin e trafiqeve dhe pasigurisë”, tha ai.
Prandaj, ai këmbëngul që të vazhdojë të diskutohet çështja për vettingun në politikë. Sepse, sipas Bashës ekonomia është zhytur në një pellg korrupsioni që nuk e lejon të zhvillohet. Kryedemokrati tha se për të rritur sigurinë dhe rritur ekonominë duhet të eliminohet pandëshkueshmëria.
Ndaj në një ditë si kjo, ku do të flitet gjatë për ekonominë, nuk mund të mos vendosim në qendër të agjendës, krye temën tonë, krye temën e shqiptarëve që duan fundin e pandëshkueshmërisë, vettingun e politikanëve. Sepse ekonomia e një vendi nuk mund të përparojë në një pellg korrupsioni, që frenon përpjekjet e shqiptarëve të ndershëm për një jetë më të mirë”, shprehet ai. Ndër të tjera, ai tha se vendi ynë ka potenciale të jashtëzakonshme, ka burime natyrore të lakmueshme nga shtete më të pasura e të begata, ka njerëz të ndershëm që nuk kanë nevojë për shtetin, por kanë nevojë që shtetarët e korruptuar të mos bëhen pengesë me babëzinë e tyre.
Discussion about this post