Agjencia e Trajtimit të Pronave do të shpërndaje 79 milionë lekë për pronat që preken nga ndërtimet informale. Lajmin e ka bërë të ditur vetë ATP përmes një njoftimi në faqen zyrtare ku thuhet se kanë dalë fitues 38 aplikantë dhe do të përfitojnë deri më tani kompensimin në vlerë, në masën 70% të shumës së përgjithshme në të holla, të miratuar me Vendimet përkatëse të Këshillit të Ministrave. Më tutje saktësohet se, 38 kërkesat e miratuara, përfitojnë këstin e parë, të dytë, të tretë, të katërt dhe të pestë të kompensimit në të holla në një total prej 70% të vlerës totale të miratuar me VKM-të përkatëse.
Sakaq, bëhet me dije se fondi financiar që shpërndahet nga ATP për këto 38 kërkesa është në vlerën 79,301,567.28 lekë. Agjencia e Trajtimit të Pronave njofton subjektet e interesuara se vlerat përkatëse për secilin përfitues do të jenë disponibël në llogaritë e tyre në bankat e nivelit të dytë pas përfundimit të procedurave të transfertave bankare në ditët në vazhdim.
Më poshtë ndodhet lista me emrat e përfituesve:
https://atp.gov.al/wp-content/uploads/2021/12/PUBLIKIM1.pdf
Discussion about this post