Këngëtarja e njohur Aurela Gaçe ka lindur më 16 tetor 1974 dhe ka festuar ditëlindjen e 48-të. Aurela është rasti më i mirë i “vitet janë thjesht numra”. Ajo ka bërë një postim në rrjetin e saj social Instagram me rastin e ditëlindjes ku shfaqet në palestër duke u ushtruar. Kjo është edhe arsyeja pse ajo njihet edhe si “uragani i skenës”, të cilës di fare mirë “t’i vërë flakën”.
“Sot jam 48 ,edhe jeta më thërret. Ditelindja më zuri në skenë, duke kënduar ( ashtu më zëntë gjithmonë haha) .
Përtej shakasë, e vetmja gjë që i uroj vetes, e secilit nga ne është shëndeti . Sa të kemi shëndet, çdo gjë jetër e arrijmë. Faleminderit “, shkruan këngëtarja krah fotos së publikuar.
Kujtojmë se disa kohë më parë Aurela Gaçe zbuloi momentin më të vështirë që i është dashur të kalojë ndonjëherë, rreziku për të humbur përgjithmonë zërin e saj. Pas kësaj deklarate, në media u krijua një zhurmë e madhe duke keqinterpretuar fjalët e këngëtares, sikur do të tërhiqej përgjithmonë nga muzika.
Discussion about this post