Australia është një tjetër vend që rreshtohet në krah të Ukrainës për ta ndihmuar. Autoritet e këtij vendi bëjnë me dije do të punojnë me anëtarët e NATO-s për të furnizuar Ukrainën me pajisje ushtarake. Kryeministri i vendit Scott Morrison thotë se pa asnjë dyshim do të jetë e gatshme për çdo nevojë të Ukrainës.
“Ne tashmë po ofrojmë mbështetje të konsiderueshme, sapo kam folur me ministrin e mbrojtjes dhe ne do të kërkojmë të ofrojmë çfarëdo mbështetje që mundemi për ndihmë përmes partnerëve tanë të NATO-s, veçanërisht Shteteve të Bashkuara dhe Mbretëria e Bashkuar”, tha Morrison.
Morrison tha gjithashtu se Australia ka përshpejtuar përpunimin e vizave për ukrainasit që kërkojnë të hyjnë në Australi dhe do të ofrojë më shumë ndihmë humanitare në të ardhmen e afërt, duke e cilësuar atë si një “prioritet kryesor”.
“Fokusi ynë është ajo që po ndodh në Ukrainë tani dhe do ofrojmë lehtësim të menjëhershëm për ata që do të kalojnë kufijtë pasi qindra mijëra njerëz po zhvendosen dhe komuniteti botëror do të punojë së bashku për të gjitha ato çështje. Por Australia do të jetë shumë e përgatitur për të pritur gjithnjë e më shumë dhe më shumë siç kemi bërë me Afganistanin”, tha Morrison. Shumë vende të tjera si Italia, Turqia dhe të tjerë kanë deklaruar se do të ndihmojnë Ukrainën në përballjen me Rusinë.
Discussion about this post