Një autobus i linjës Zyrih – Prishtinë, është sulmuar të shtunën mbrëma në Serbi. Sulmi ka ndodhur në rrugën Nish-Leskovc rreth orës 18:50, ndërsa këtë e ka konfirmuar, pronari i kompanisë “Turist Kosova e Re”, Agim Muçolli. Ky i fundit ka thënë se sulmi ka ndodhur nga persona të maskuar.
“Rasti ka ndodhur në Serbi teksa ishim duke udhëtuar nga Zvicra në Kosovë. Ishim në lëvizje kur papritur ndodhi sulmi. Njëri nga udhëtarët ka parë dy persona të cilit ishin të maskuar”, ka treguar Muçolli për “Zërin”.
Ai tha se gjatë 20 viteve sa operon kjo kompani në këtë linjë të rregullt, nuk ka pasur asnjëherë një rast të ngjashëm. Muçolli tregoi se rastin e ka denoncuar tek policia e Serbisë dhe Kosovës kur ka arritur në pikën kufitare.
Discussion about this post