Automjeti i djegur sot në Bullgari, ku humbën jetën 46 persona nuk ka qenë i licencuar. Lajmi e ka bërë të ditur Ministri i Transportit, Bllagoj Boçvarski, i cili ka thënë se kompania “Besa Trans” nuk ka bërë regjistrimin përkatës në institucion.
Bllagoj Boçvarski ka deklaruar se tashmë po bëhen procedura për pajisjen me certifikatë të kësaj kompanie. “Për shkak të dëshmive të deritanishme se transportuesi ka bërë transport pa certifikatë licence për automjetin përkatës, në bazë të nenit 12, paragrafi 2, të ligjit të Transportit Rrugor, Ministria e Transportit ka filluar procedurë për marrjen e licencës së punës. Gjithashtu, Qeveria ka angazhuar inspektoratin e transportit të bëjë inspektime të jashtëzakonshëm të punës së kompanisë”, ka deklaruar ministër i Transportit, Bllagoj Boçvarski.
Kujtojmë se autobusi është përfshirë në flakë gjatë ecjes dhe është bërë shkrumb e hi, ku për fat të keq humbën jetën 46 shqiptarë të Maqedonisë.
Discussion about this post