Autobusi i ‘Unazës’ përplaset me motorin, plagoset një fëmijë

Një autobus i linjës së Unazës në kryeqytet është përfshirë në një aksident mëngjesin e kësaj të diele.

Mësohet se autobusi është përplasur me një motor në rrugën “Ferit Xhajko”.

Për pasojë ka marrë lëndime një 12 vjeçar, i cili ishte pasagjer në motor.

Njoftimi i policisë

Rreth orës 08:45, në rrugën “Ferit Xhajko”, shtetasi P. R., duke drejtuar autobusin e linjës së Unazës, është përplasur me motomjetin me drejtues shtetasin H. Gj.

Si pasojë është dëmtuar një i mitur 12 vjeç, (pasagjer në motomjet), i cili ndodhet në spital, nën kujdesin e mjekëve.

Grupi hetimor po punon për sqarimin e rrethanave të aksidentit.