Një autobus me pasagjerë ka dalë nga rruga në zonën e njohur si “Kthesa e Murrashit” dhe rrezikon të bjerë në lumin Shkumbin. Burime për Gijotina.com informojnë se ngjarja ka ndodhur mesditën e sotme rreth orës 12:00, ku një mjet që vinte nga Elbasani në drejtim të Librazhdit, për shkak të lagështirës ka dalë nga rruga.
Reshjet e dendura të shiut dhe rruga kanë bërë që drejtuesi i mjetit të humbë kontrollin, duke rrezikuar jetën e disa dhjetëra pasagjerëve. Fatmirësisht frenat kanë punuar pasi mjeti ka dalë nga bordurat anësore të rrugës, ndërsa pasagjerët kanë shpëtuar pa asnjë dëmtim.
Pikërisht në këtë zonë, disa ditë më parë, humbën jetën 3 anëtarë të së njëjtës familje, pasi mjeti më të cilin udhëtonin u aksidentua me një makinë tjetër dhe përfundoi në lumë duke shkaktuar tre viktima.
Discussion about this post