Rita Ora po përballet me një situatë të pakëndshme, teksa fansat e saj pretendojnë se autografet në kopertinat e albuneve që janë shitur online nuk janë të këngëtares.
Ylli i muzikës ka grumbulluar një pasuri prej 23 milionë £ nga karriera e saj muzikore, por duket se fansat kanë mbetur të zhgënjyer.
Madje ata po bëjnë thirrje për kthimin e parave nga ylli i popit, duke ngritur dyshime mbi origjinalitetin e autografeve të albumit të saj të fundit, që shitej në internet deri në 25 £.
“Shkrimi i dorës dhe nënshkrimi duken shumë ndryshe. Në asnjë mënyrë nuk i nënshkroi ajo. Kaq zhgënjyese”, ishin komentet më të shpeshta në rrjet.
Një reagim zyrtar ka ardhur edhe nga kompania muzikore e cila merrej me shitjen e albumeve të këngëtares ku thuhej: “ne donim t’ju sigurojmë se kemi folur me ekipin e Ritës që ishte me të atë ditë dhe ata kanë konfirmuar se ajo ka nënshkruar albumet dhe gjithashtu ka postuar një video të saj duke i bërë ato”.
Sa i përket vetë artistes ajo nuk ka reaguar duke mos dhënë asnjë përgjigje publikisht për thirrjen e fansave që të rimbursojë paratë për albumet nëse ka autografe false.
Discussion about this post