Automjeti përplas këmbësorin në Pogradec, 54-vjeçari në gjendje të rëndë

Një aksident ka ndodhur në orët e para të mbrëmjes në qytetin e Pogradecit, ku një automjet ka aksidentuar një këmbësor.

Ngjarja ka ndodhur në rrugën e fshatit Volorekë, Pogradec, ku shoferi me inicialet B. M., duke drejtuar mjetin tip “Mercedes Benz”, ka përplasur këmbësorin me inicialet A. D., rreth 54 vjeç, banues në Pogradec, i cili ndodhet në Spitalin e Pogradecit në gjendje të rëndë shëndetësore.

Sipas policisë, drejtuesi i mjetit është shoqëruar në komisariat, ndërkohë që po punohet për të sqaruar rrethanat e aksidentit.