Një autoportret i Frida Kahlo-s, me figurën e burrit të saj Diego Rivera në qendër të ballit, pritet të thyejë rekord duke u bërë vepra më e shtrenjtë e artit të Amerikës Latine. Shtëpia e ankandeve Sotheby’s njoftoi se po ofronte për shitje pikturën e vitit 1949 të titulluar “Diego dhe unë” me një çmim prej 30 milionë dollarësh.
Autoportreti në vetvete është një pikturë magjepsëse, që nxjerr në pah artisten meksikane dhe marrëdhënien e trazuar me burrin e saj. “Diego y yo” do të shfaqet për publikun në Hong Kong nga 7 deri më 11 Tetor, dhe në Londër 22-25 Tetor. Më pas do të kthehet në Nju Jork për ekspozitë para shitjes në Nëntor.
Vetë-portreti i Frida Kahlo i vitit 1949, Diego y yo, ku shfaqet burri i saj Diego Rivera në qendër të ballit të saj.
“Frida Kahlo është një ikonë globale e artit modern, vepra e së cilës është e dashur në të gjithë botën. Diego y yo, mishëron interpretimin e detajuar të përpiktë, ikonografinë komplekse dhe rrëfimet thellësisht personale që janë shenja dalluese të pikturës së saj të pjekur,” tha Anna di Stasi, drejtore e Sotheby’s të artit të Amerikës Latine.
