Katër persona janë arrestuar nga policia e Tiranës pasi u kapën duke vjedhur një farmaci në zonën e Kombinatit. Në kuadër të operacionit “Shtegtarët” u bë arrestimi në flagrancë i Behar Allmuça, Klajdi Lila, Leonard Hoxha dhe Anderson Fidani.
Policia dokumentoi se këta persona janë gjithashtu autorë të 11 vjedhjeve të tjera në zonën e Tiranës, Durrësit dhe Belshit, ndërkohë është shpallur në kërkim bashkëpunëtori i tyre.
Në cilësinë e provës materiale janë sekuestruar një granatë, një automjet, piktura me vlerë, një mjet prerës për lëndë drusore, një biçikletë, një sasi parash dhe mjete që autorët i përdornin për kryerjen e vjedhjeve.
Forcat blu bëjnë me dije se po vijon puna për kapjen e bashkëpunëtorit tjetër të shpallur në kërkim, si dhe dokumentimin e vjedhjeve të tjera që mund të jenë kryer nga këta persona.
Discussion about this post