“Autori fiku dritat dhe…”/ U vra me sëpatë, 46- vjeçari dyshohet se u rrëmbye për 1 javë

Altin Alikaj 46- vjeçari i cili raportohet se është vrarë me sëpatë në Vlorë, dyshohet se është rrëmbyer për 1 javë.

Ky dyshim ngrihet pas hetimeve se prej 7 ditësh Alikaj u raportua i zhdukur, ndërsa mëngjesin e sotëm nëna e tij e ka gjetur të dekompozuar në banesën ku jetonin në lagjen “5 Maji”.

Burimet flasin për një plan të frikshëm pasi autori apo autorët e kësaj ngjarjeje të rëndë, kanë ulur automatin e dritave dhe kanë helmuar edhe qentë e komshinjve për të mos bërë zhurmë.

Alikaj njihet si përdorues droge, ndërsa ishte shpallur i humbur prej 8 ditësh, që nga 11 Shkurti.

Hetuesit janë duke u përqendruar tek e shkuara e viktimës, ku paraprakisht dyshohet se lidhet me larje hesapesh për trafik droge.