Mediat britanike kanë publikuar pamjet e kapura nga kamerat e sigurisë, ku duket autorit i vrasjes së Flamur Beqirit që qëndron i veshur si pastrues rrugësh, pranë vendit ku u ekzekutua shqiptari. Në pamjet e publikuara autori qëndron pranë zonës ku ndodhi krimi, duke planifikuar vrasjen.
Autori i dyshuar është maskuar si pastrues i rrugëve, i veshur me maskë lateksi, syze dielli dhe rroba pune, teksa mban në dorë një grumbullues mbeturinash dhe një qese të zezë. Ai ishte në zonë për më shumë se katër orë përpara vrasjes.
Beqiri, dyshohet se u vu në shënjestër për shkak të lidhjeve të tij me një rrjet suedez të krimit të organizuar si pjesë e përshkallëzimit të konflikteve me një grup rival.
Flamur “Alex” Beqiri, 36 vjeç, u qëllua për vdekje jashtë shtëpisë së tij 1.5 milion paundë në Battersea, në jug-perëndim të Londrës, rreth orës 21:00 më 24 dhjetor 2019.
Babai i dy fëmijëve kishte dalë për darkë në restorantin Colbert në Sloane Square me gruan e tij Debora Krasniqi para se të qëllohej disa here. Hetuesit thanë se autorët e kishin vëzhguar që prej gjashtë muajsh, dhe se e qëlluan para syve të gruas dhe djalit të tij dy vjeçar.
Discussion about this post