Policia ka larguar nga ambientet e brendshme të godinës mediat të cilët ishin prezentë në momëntin kur familjarët e 8-vjeçarit hynë me forcë brenda, në gjykatë duke kërkuar autorin e krimit.
Disa momente më pas është bërë e mundur nxjerrja jashtë godinës së gjykatës edhe për familjarët e tensionuar, të cilët ndodhen jashtë dyerve, në pritje të vendimit që do të jepet për vrasësin monstruoz të të afërmit të tyre.
Familjarët e 8-vjeçarit që u vra në mënyrë monstruoze nga fqinji i tij Klodian Calamani, janë shfaqur sot në gjykatë para se autori të mbërrinte, ku situata ka përshkallëzuar duke hyrë me forcë në ambientet e brendshme të godinës.Ata kërkojnë përballje me autorin e krimit, teksa shfaqen të tensionuar, duke konfrontuar forcat policore që i ndalojnë.
Familjarët u shprehën se do ta presin aty për ta vrarë, autorin e ngjarjes makabre, ndërsa bënë apelin e fortë që të gjithë të iu bashkohen në mënyrë që ngjarje të tilla të mos përsëriten për fëmijë të tjerë.
Klodian Calamani, dy ditë më parë dhunoi dhe vrau me armë të ftohta 8-vjeçarin, që ishte dhe komshia e tij.Familja e të ndjerit kujdesej për vrasësin, për shkak të gjendjes së vështirë ekonomike që ai kishte.
Mateo ishte parë nga fqinjët duke bërë xhiro me një biçikletë të kuqe, dhe kur policia ka pyetur se kush e posedon biçikletën me ngjyrë të kuqe, ata kanë shkuar në shtëpinë e vrasësit i cili në fillim ka bërë rolin e të paditurit, ndërkohë që ishte duke pirë raki.
Ai u ka thënë policëve, ‘ pse çfarë ka ndodhur me Mateon’, ndërkohë që më pas u zbulua se ai e kishte varrosur të voglin në një cep të oborrit të tij.
Discussion about this post