Brenda 72 orëve pritet që FIFA të marrë një vendim për ndeshjen midis Brazilit dhe Argjentinës, e vlefshme për kualifikueset e Botërorit ‘Qatar 2022’, e cila u ndërpre mbrëmjen e së dielës, pas vetëm 6 minutash lojë.
Kjo ndërprerje bën që në Argjentinë të jenë të sigurt për fitoren në tavolinë, por çështja është në duart e komisionit disiplinor të FIFA -s raporton ‘La Gazzetta dello Sport’.
Delegacioni argjentinas u kthye në shtëpi pasi u mbyll në dhomën e zhveshjes për më shumë se dy orë. Ndërsa ndërhyrja e ambasadorit argjentinas, i cili shoqëroi Messin dhe shokët e tij në aeroportin e Sao Paulos ishte vendimtar.
Rikujtojmë se autoritetet shëndetësore braziliane bastisën fushën për të kërkuar dëbimin e katër lojtarëve argjentinas që luajnë në Premier League, të akuzuar se kanë falsifikuar hyrjen në Brazil, duke mos deklaruar që mbërritën nga Anglia.
Bazuar në rregullat aktuale, kushdo që mbërrin në Brazil nga Mbretëria e Bashkuar duhet të respektojë 14 ditë karantinë, gjë që nuk ndodhi për katër lojtarët e Kombëtares argjentinase (Martinez, Romero, Buendìa dhe Lo Celso).
Deri më tani merren në konsideratë dy skenarë të mundshëm nga FIFA: nga njëra anë, shtyrja e sfidës, me vështirësitë shoqëruese në gjetjen e një date të dobishme, nga ana tjetër për të caktuar fitoren e Argjentinës./Gijotina.com
