Bojkotit të seancave gjyqësore i është bashkuar edhe dhoma vendore e avokatisë në Vlorë, sëbashku me te gjitha qytetet e tjera të vendit. Avokatët kanë kundërshtuar hartën e re gjyqësore që sipas tyre fut edhe më tej në kolaps sistemin e drejtësisë.
Kreu i dhomën së avokatisë Vlorë, Durim Barjamaj ka theksuar se harta e re gjyqësore krijon probleme ndërsa është nisur sot me bojkot katër ditor ndërsa në vijim mund të shkohet edhe në bojkot të masave të sigurisë ç’ka fut në kolaps shtetin.
Gjate kësaj të marte janë pezulluar 60 seanca në gjykatën e Faktit, 40 apeli, 24 gjykata administrative Vlorë. Dhoma e Avokatisë ka nisur bojkotin e seancave gjyqësore për të gjitha shkallët e gjyqësorit deri ditën e premte, 17 qershor. Kryetari i Dhomës së Avokatisë, Maks Haxhia kërkon nga Këshilli i Lartë Gjyqësor që të ketë një gjykatë apeli në Shkodër, një në Durrës ose Elbasan dhe një në Fier ose Vlorë.
Bojkoti ka nisur nga të gjithë avokatët në vend, ndërsa është paralajmëruar se nëse do të ketë kundërshtime nga ana e tyre, avokatët rrezikojnë heqjen e liçensës.
Discussion about this post