Partia Socialiste ka reaguar për herë të parë pas arrestimit të ish-kryebashkiakut të Vorës Agim Kajmaku në Itali me 20 kg kokainë sëbashku me nipin e tij.
Kreu i Grupit Parlamentar të PS, Taulant Balla në një dalje për mediat u shpreh se Kajmaku është më pjesë e PS ndërsa shtoi se përshëndesin veprimet e organeve të policisë dhe drejtësisë.
“Sa herë që ligji funksionon mbi këdo, PS përshëndet veprimet e organeve të policisë e drejtësisë. E ky qëndrim i qartë i yni që nuk bën dallim për askënd, këtu biem dakord që dhe në këtë rast qëndrimi ynë është se ligji duhet të godasë mbi këdo. Personi që flasim nuk është më prej vitesh në asnjë funksion e përfaqësim të PS, është humbje kohe të diskutojmë për këtë çështje”, tha Balla.
Kajmaku ka rënë në prangat e Policisë italiane nën akuzën e kultivimit të lëndëve narkotike. Kajmaku është ndaluar në 27 maj, pasi u kap me 20 kg kokainë në zonën e San Benedetto del Tronto, së bashku me nipin e tij. Droga, që u gjet e fshehur brenda disa vazo lulesh, nëse do të shitej, sipas përllogaritjeve të Policisë italiane, do të kapte vlerën e 1 milion eurove.
Discussion about this post