Diego Armando Maradona, legjenda e futbollit botëror, idhulli i Argjentinës e Napolit, bën të flitet për të dhe tani, që kanë kaluar mbi 2 vjet nga ndarja e tij nga jeta.
Avokati dhe përfaqësuesi i kampionit të botës në kohën e vdekjes së tij, Matías Morla, komentoi për herë të parë procesin ndaj disa mjekëve që kujdeseshin për “yllin” e ndjerë argjentinas.
“Ata e vranë Diegon. Mendoj se do të ketë dënime. Ai vdiq për shkak të përkujdesjes së keqe mjekësore dhe për këtë akuzohen mjekët”, deklaroi Morla, i cili tashmë ka një mosmarrëveshje me vajzat e ish-lojtarit, të cilat morën në dorë rrjetet sociale të Maradonës dhe faqen e tij zyrtare në internet.
“Me motrat e Diegos flas çdo ditë. Me vajzat komunikoj nëpërmjet një ndërmjetësi, nuk e di nëse u mbërrijnë mesazhet, sepse këtu nëse do të flasësh me dikë janë 30 sekretare dhe 42 avokatë. Por jam në një fazë paqeje”, shtoi Morla.
Discussion about this post