Avokati Gentian Rumano, i ftuar në emisionin Log. në News 24, ka folur pas lirimit nga burgu të ish-deputetit Ervin Salianji, duke e renditur atë parin si kryetar i ardhshëm i Partisë Demokratike pas largimit të Sali Berishës.
Sipas Rumanos, edhe po të mos e kishte patur dënimin me burg, do të ishte i vetmi subjekt i cili mund të bënte kryetarin e PD pas largimit të Berishës. Ai nuk shikon askënd tjetër në Partinë Demokratike që të vijojë punën e lënë nga Berisha.
Gentian Rumano: “Salianji nuk ka pasur nevojë për të bërë burg që të krijonte një kapital politik ose të krijonte një famë më të madhe. Ai është një lider i ardhshëm i Partisë Demokratike, sepse nuk shikoj ndonjë tjetër që mund të jetë pasardhës i zotit Berisha. Por edhe po të mos e kishte patur dënimin me burg, do të ishte i vetmi subjekt i cili mund të bënte kryetarin e PD pas largimit të Berishës. Nuk shikoj askënd tjetër në Partinë Demokratike që të vijojë punën e lënë nga Berisha. Në vlerësimin tim, ai nuk ka patur nevojë për kredo politike që burgu t’ia jepte. Salianji e ka pasur petkun e kryetarit të ardhshëm të PD-së pa hyrë në burg.”
Discussion about this post