Qeveria shqiptare dhe institucionet publike janë ato që po shkatërrojnë buxhetin e shtetit dhe po rrënojnë ekonominë shqiptare.
Ata kanë nisur nga shkeljet dhe vjedhjet që në ditën e parë të këtij viti. Madje në raportin e publikuar sot Kontrolli i Lartë i Shtetit tregon se kanë bërë kërdinë, duke shkaktuar 23 miliardë lekë dëm ekonomik, që bien si barrë mbi qytetarët shqiptarë.
Nga këto KLSH raporton se 875 milionë lekë janë dëme ekonomike të shkaktuara dhe 22 miliardë lekë janë humbje nga keqmenaxhimi i fondeve publike.
“Gjatë periudhës janar-prill 2023, janë dhënë 60 rekomandime mbi gjetje me efekte negative në buxhetin e shtetit. Për total vlerën 2,311,028 mijë lekë. nga të cilat: dëmi ekonomik vlerësuar 87,583 mijë lekë. Dhe menaxhimi jo efektiv i fondeve në vlerën 2,223,445 mijë lekë”, thuhet në raportin e KLSH.
Ndërkaq theksohet se nga 875 milionë lekë dëme, 470 milionë janë shkaktuar nga paaftësisa e Ujësjellës-Kanalizime Tiranë. Ndërsa 380 milionë lekë nga punime që janë kryer shkel e shko dhe nuk janë monitoruar siç duhet.
“Vlera prej 47,987 mijë lekë e konstatuar në subjektin Ujësjellës Kanalizime Tiranë SH.A. Për shkak të mos parashikimit nga palët, në kontratën e qirasë të detyrimit për sigurimin e pronës në rastet e rreziqeve të shkaktuara nga zjarri. Dhe vlera prej 38,051 mijë lekë e konstatuar përgjatë zbatimit të punimeve (si psh diferenca në volumin e punimeve. Zëra të paverifikueshëm punimesh, etj) në 5 subjekte”, përcakton KLSH.
Tenderët bëjnë kërdinë
Më tutje në raport evidentohet se përmes tenderëve institucionet publike po vjedhin më shumë. Konkretisht nga vlera 22 miliardë lekë, 99% të dëmit e kanë shkaktuar procedurat prokuruese. Ndërsa një dëm të madh ekonomik e kanë sjellë dhe paaftësia në menaxhim nga disa bashki në vend, ku kryeson Kamza me 6 miliardë lekë (të vjetra)
Gijotina.com ka denoncuar shpeshherë tenderët në shkelje ligjore që ka zhvilluar Rakip Suli që në fillim të këtij viti, deri në prag të fushatës elektorale.
“Rreth 99% e vlerës në fushën e shpenzimeve, përbëhet nga shkeljet në “procedurat e prokurimit” dhe “zbatimin e punimeve”. Ndërsa rreth 90% e vlerës në fushën e të ardhurave përbëhet nga të ardhurat e munguara që administrohen nga njësitë e vetëqeverisjes vendore. Si pasojë e krijimit të debitorëve për moslikuidime të tarifave dhe taksave vendore. Më së shumti në Bashkitë: Kamëz (631,061 mijë lekë), Belsh (108,398 mijë lekë), Lezhë (402,195 mijë lekë) dhe Vau i Dejës (195,912 mijë lekë)”, përcaktohet në raport.
Këto të dhëna janë të frikshme në katër muaj, dhe na tregojnë se shifra e vjedhur do të rritet shpjet në muajt e ardhshëm. Kështu shohim qartë se ku shkojnë fondet që duhet të investoheshin për qytetarët.
Esmeralda Hida
Abuzime nën hundën e SPAK, Bushi i fal Bamit 173 milionë lekë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post