Këngëtari i njohur Justin Bieber është gati të bëhet baba. Në dokumentarin e tij të ri “Justin Bieber: Our World”, që debutoi të premten, këngëtari 27-vjeçar tha se dëshiron një fëmijë me gruan e tij, Hailey. Këngëtari tha: “Unë dua të vendos qëllime dhe të argëtohem duke i arritur ato. Familja vjen e para dhe shpresoj se do të ketë edhe një fëmijë.”
Çifti i famshëm ndezi spekulime muajin e kaluar kur këngëtari preku barkun e gruas së tij në tapetin e kuq gjatë Met Gala në Nju Jork. Burimet thanë për mediat e huaja se Hailey nuk është shtatzënë dhe se gjesti i dashurisë është keqinterpretuar.
Burimi tha: “Hailey është super e fokusuar në karrierën e saj tani dhe nuk është me nxitim për të pasur fëmijë. Sigurisht që ata kanë folur për të ardhmen e tyre dhe ndërtimin e një familje së bashku një ditë, por të dy janë të zënë me punë tani.”
Disa ditë më parë, çifti më i përfolur i showbiz-it, Justin Bieber dhe partnerja e tij Hailey Bieber festojnë sot përvjetorin e 2-të të martesës së tyre. Modelja e njohur dhe këngëtari u martuan në vitin 2018 dhe ata e festuar këtë moment të rëndësishëm të jetës së tyre me një dasmë një vit më vonë, më 30 shtator 2019.
