Babai i Lionel Messit ka akuzuar drejtuesit e Barcelonës për largimin e yllit argjentinas nga katalanasit.
Gazetari spanjoll i ‘Deportes Cuarto’, David Bernabeu ka zbuluar fjalët që ka thënë Jorge Messi pak momente pas zyrtarizimit të lajmit se i biri nuk do të ishte më pjesë e Barçës.
“Është mirë për Barçën që ne të mos vazhdojmë dhe se ata po derdhin lot krokodili”.-është shprehur ai.
David Bernabeu po ashtu ka theksuar se babai i Messit nuk ishte i befasuar me lajmin që djali i tij nuk ka vazhduar me klubin.
Rikujtojmë që argjentinasi ka qenë pjesë e klubit të Barcelonës që në moshën 13-vjeçare dhe në asnjë moment nuk pranoi të largohej, por duket se momenti për t’u ndarë ka ardhur dhe vendimi përfundimtar është marrë nga Barça, gjë që nuk i ka pëlqyer aspak Messit dhe njerëzve pranë tij./Gijotina.com
