Policia ka zbardhur detaje nga operacioni në Thumanë, ku u gjetën 10 sera me kanabis. Sipas të dhënave të publikuar personat që merreshin me mbjelljen dhe rritjen e drogës janë vënë në pranga dhe janë shoqëruar në polici.
Konkretisht, u arrestuan shtetasit Klisman Lika 32 vjeç, banues në Gjorm Kurbin , Qemal Ferhati 68 vjeç, banues në fshatin Shkozë-Bardhë Thumanë; dhe u shpall në kërkim Ardit Ferhati, banues në fshatin Shkozë-Bardhë, Thumanë. Ky i fundit është djali i Qemal Ferhatit, të dy ata kishin ngritur këto plan për të kultivuar dhe shitur kanabis.
Pikërisht në banesat e tyre, janë konstatuar 10 sera në të cilat ishin të kultivuara 925 fidanë të dyshuar narkotikë cannabis sativa. Gjithashtu, gjatë kontrollit në këtë banesë u gjet edhe një qese plastmasi me fara të dyshuara si ato cannabis sativa, si dhe u konstatua lidhje e paligjshme e energjisë elektrike.
Discussion about this post