Babë e bir u ekzekutuan pasditen e së enjtes në Dukagjin. Viktimat janë identifikuar si Gjokë e Eduart Gurra, përkatësisht 57 dhe 31 vjeç. Një ditë më parë viktimave i ishte djegur banesa në fshatin Sumë, Njësia Administrative Pult, ndërsa kishin shkuar për të parë atë që kishte ndodhur. Dyshohet se autorët i prisnin, teksa knë hapur zjarr me breshëri duke i lënë të vdekur në vend.
Policia thotë se babë e bir janë qëlluar me armë zjarri për motive që ende nuk dihen.
Shkodër/Informacion paraprak
Rreth orës 16:40, në fshatin Sumë, Njësia Administrative Pult, në rrethana ende të paqarta janë vrarë me armë zjarri shtetasit Gj. G., 57 vjeç dhe djali i tij, E. G., 31 vjeç, banues në lagjen “Partizani”, Shkodër.
Shërbimet e Policisë dhe Grupi hetimor janë nisur menjëherë për në vendngjarje.
Me mbërritjen e shërbimeve dhe sqarimin e rrethanave të ngjarjes do të japim përsëri njoftim më të detajuar.
Discussion about this post