Një tjetër raste dhunë në familje shqiptare është raportuar ditën e sotme në Greqi. Mediat greke bëjnë me dije se një 29-vjeçare shqiptare në Selanik është dhunuar frikshëm nga ish-bashkëshorti i saj në sy të fëmijëve. Ngjarja duket se është e përsëritur, me 38-vjeçarin, i cili është dënuar 8 herë më parë për dhunë në familje, por është lënë sërish i lirë. Fotot e publikuara nga protothema.gr tregojnë mavijosjet në fytyrë dhe qafë të gruas , nga rrahja që mori në maj nga 38-vjeçari, përballë dy fëmijëve të tyre të mitur, 4 dhe 8 vjeç. Ndërkohë më tutje është zbardhur dëshmia e të dhunuarës, e cila tregon se ai hyri në shtëpi me forcë dhe ka qëlluar me sende të forta.
“Në orën 07:50 të datës 26 gusht 2022, ai më ka telefonuar në celular ndërsa isha në Kalochori dhe tha “Po vij te te gjej, do te sqaroj unë”. Ai nuk arriti të më gjente pasi nuk e di se ku ndodhej puna ime, përveç se është në Kalochori. Rreth orës 20:10 ai hyri në shtëpinë time dhe i ra ziles duke këmbëngulur dhe deshi të ngjitej lart. Megjithatë fëmijët tanë ishin larg në festën e një miku. Menjëherë thirra policinë dhe sapo pa patrullën ai iku. Veprimet e tij më shkaktuan frikë dhe terror. Frikësohem për jetën time dhe kërkoj ndjekjen penale të tij, si dhe të ndalet kjo situatë e sëmurë” , shprehet ajo në dëshminë e dhënë për policinë.
Sakaq, ajo tregoi se këto raste dhune janë të përsëritet, ndërsa më parë e ka shpëtuar djali 6-vjeç nga kthetrat e burrit dhunues.
“Kam shumë frikë, nuk dua të jem një grua tjetër që mund të vritet nga ish-bashkëshorti nesër. Kam dy fëmijë për të rritur. Motra dhe djali im i madh, i cili në atë kohë ishte 6 vjeç, më kanë shpëtuar jetën dy herë. Pikërisht atëherë më kapi nga qafa dhe më tha “do të bëj skulpturë”. Djali im i madh qante dhe i thoshte “Babi lëre mamin” dhe është ai që më ka shpëtuar shumë herë”, thotë e përlotur ajo.
Discussion about this post